முத்ரா திட்டம்: ‘தருண்’பிரிவின் கீழ் கடன்.
- பிரதம மந்திரி முத்ரா திட்டம் என்பது இந்திய அரசாங்கத்தின் முதன்மைத் திட்டமாகும்.
- இது “நிதியற்றவர்களுக்கு நிதியளிப்பது” என்ற நோக்கத்துடன் சிறு, குறு போன்ற நிறுவனங்களை முறையான நிதி அமைப்புக்கு கொண்டு வந்து அவர்களுக்கு மலிவு கடன்களை வழங்குவதாகும்.
- விவசாயம் அல்லாத வருமானம் ஈட்டும் நடவடிக்கைகளுக்கு பொதுத்துறை வங்கிகள், பிராந்திய கிராமப்புற வங்கிகள், கூட்டுறவு வங்கிகள், தனியார் துறை வங்கிகள், வெளிநாட்டு வங்கிகள், மைக்ரோ நிதி நிறுவனங்கள் (MFI) மற்றும் வங்கி அல்லாத நிதி நிறுவனங்கள் (NBFC) போன்ற அனைத்து நிதிநிறுவனங்களிடமிருந்தும் பத்து இலட்சம் ரூபாய் வரை கடன் பெற இது ஒரு சிறிய கடனாளியை அனுமதிக்கிறது.
- இத்திட்டம் 2015 ஆம் ஆண்டு ஏப்ரல் 8 ஆம் தேதி பிரதமரால் தொடங்கப்பட்டது.
- இந்தத் திட்டத்தின் கீழ், விவசாயம் அல்லாத நடவடிக்கைகளுக்கு ₹10 இலட்சம் வரையிலான கடன்கள் மூன்று வகைகளின் கீழ் வழங்கப்படுகின்றன:
- ஷிஷு (50,000 வரையிலான கடன்கள்)
- கிஷோர் (50,000 முதல் 500,000 வரை கடன்) மற்றும்
- தருண் (500,000 முதல் 1 மில்லியன்)
- முத்ரா திட்டத்தின் ‘தருண்’ பிரிவின் கீழ் கடன் வாங்கி முறையாகத் திருப்பிச் செலுத்தியவா்களுக்கு மட்டுமே, ‘தருண் பிளஸ்’ என்ற திட்டத்தின் கீழ் ரூ 20 லட்சம் வரை கடன் வழங்கப்படுவதாக மாநிலங்களவையில் மத்திய அரசு தெரிவித்துள்ளது.
சமக்ர சிக்ஷா திட்டம்:
- சமக்ர சிக்ஷா அபியான் என்பது பள்ளிக் கல்விக்கான ஒருங்கிணைந்த திட்டமாகும்.
- இது பாலர் பள்ளி முதல் உயர்நிலைப் பள்ளி வரை மாநிலங்களுக்கு ஆதரவளிக்கிறது.
- இந்திய அரசு மனிதவள மேம்பாட்டு அமைச்சகத்தின் கீழ் இந்தத் திட்டத்தைத் தொடங்கியது.
- பள்ளிக் கல்வியின் தரத்தை மேம்படுத்தும் நோக்கில் இந்தத் திட்டம் தொடங்கப்பட்டது.
- பள்ளிக் கல்விக்கான சம வாய்ப்புகள் மற்றும் சமமான கற்றல் விளைவுகளின் அடிப்படையில் அளவிடப்படும் பள்ளி செயல்திறனை மேம்படுத்தும் பரந்த குறிக்கோளுடன் இந்தத் திட்டம் வரைவு செய்யப்பட்டது.
- 2009 – ஆம் ஆண்டின் RTE சட்டத்தின்படி 14 வயது வரையிலான அனைத்து குழந்தைகளுக்கும் இலவச கல்விக்கான அணுகலை வழங்குதல்.
- இது SSA, RMSA இன் சமமான மற்றும் உள்ளடக்கிய கல்வித் தரத்தை வழங்குகிறது.
ஜன் தன் திட்டம்:
- ஜன் தன் திட்டம் அல்லது பிரதமர் மக்கள் நிதி திட்டம் (Pradhan Mantri Jan Dhan Yojana) வீட்டுக்கு ஒரு வங்கிக் கணக்கு இருக்கும் வகையில் புதிய திட்டத்தை பிரதமர் நரேந்திர மோதி 28 ஆகஸ்டு 2014 புதுதில்லியில் தொடங்கி வைத்தார்.
- இந்தத் திட்டத்தின் கீழ், வங்கியில் கணக்கு இல்லாத 7½ கோடி குடும்பத்தினருக்குக் காப்பீடு வசதியுடன் வங்கிக் கணக்கு தொடங்கப்பட்டது.
- ஒரு லட்சம் ரூபாய்க்கான விபத்து காப்பீடும் முப்பதாயிரம் ரூபாய்க்கான ஆயுள் காப்பீடும் வழங்கப்படும்.
தகவல் துளிகள்:
- அதிநவீன எஃப் 35 ஸ்டெல்த் போர் விமானங்களை இந்தியாவுக்கு வழங்க அமெரிக்கா அறிவித்துள்ளது.
- நாட்டின் 18-ஆவது மக்களவைத் தோ்தல், கடந்த ஆண்டு ஏப்ரல் 19 முதல் ஜூன் 1 வரை ஏழு கட்டங்களாக நடத்தப்பட்டது.
- நடப்பு மக்களவையில் மொத்த பெண் எம்.பி.க்களின் எண்ணிக்கை 74, நாட்டிலேயே அதிகபட்சமாக 11 பெண் எம்.பி.க்கள் உள்ள மாநிலம் மேற்கு வங்கம்.
- தமிழகத்துக்கும் காசிக்கும் இடையே உள்ள வரலாற்றுத் தொடா்பை எடுத்துரைக்கும் வகையில் மத்திய அரசு சார்பில் காசி தமிழ் சங்கமம் ஆண்டுதோறும் நடத்தப்பட்டு வருகிறது.
- ஆசிய கலப்பு அணிகள் பாட்மின்டன் சாம்பியன்ஷிப்பில் இந்தியாவை வென்றது தென் கொரியா.
