பிரம்மபுத்திராவில் பிரம்மாண்ட சீன அணை:
- தனது ஆக்கிரமிப்பில் உள்ள திபெத்தில் பாயும் பிரம்மபுத்திரா நதியின் குறுக்கே 1 டிரில்லியன் யுவான் செலவில், உலகின் மிகப் பெரிய அணையைக் கட்ட சீனா முடிவு செய்துள்ளது.
- இமயமலைப் பகுதியில் உள்ள மிகப் பெரிய பள்ளத்தாக்கில் வளைந்து அருணாசல பிரதேசம், அஸ்ஸாம் வழியாக வங்கதேசத்துக்குள் பிரம்மபுத்திரா நதி பாயும் நிலையில், அந்தப் பள்ளத்தாக்கில் அணை கட்டப்பட உள்ளது.
- பிரம்மபுத்திரா ஆறு (Brahmaputra River) ஆசியாவின் பெரிய வற்றாத ஜீவநதிகளில் ஒன்றாகும்.
- பிரம்புத்திரா நதி கயிலாய மலையிலிருக்கும் மானசரோவர் ஏரிக்கு கிழக்கில் உள்ள சேமாயங்டங் பனியாற்றில் (Chemayungdung Glacier) இருந்து உற்பத்தியாகிறது.
- இந்நதி திபெத்திலுள்ள கயிலாய மலையில் ‘ஸாங்-போ’ என்ற பெயரில் புறப்பட்டு, அருணாசல பிரதேசத்தில் சியாங் என்ற பெயரில் நுழைந்து, பின் சமவெளிப் பகுதியை அடைகிறது.
- சமவெளிப்பகுதியில் இது திகாங் என்று அழைக்கப்படுகிறது.
- வங்காளதேசத்தில் இந்த ஆறு ஜமுனா என்ற பெயரில் அழைக்கப்படுகிறது.
- அஸ்ஸாமின் உயிர்நாடியாக உள்ள பிரம்மபுத்திரா நதி, இந்தியாவின் செயல் திட்டங்களுக்கு முக்கிய சொத்தாகவும் விளங்குகிறது.
- பிரம்மபுத்திரா நதி தான் இந்தியாவின் ஒரே “ஆண்” நதி என்று அழைக்கப்படுகிறது.
- பிரம்மபுத்திரா ‘சிவப்பு நதி’ என்றும் அழைக்கப்படுகிறது.
- பிரம்மபுத்திரா நதியின் துணை நதிகள்:
- சுபன்சிரி ஆறு, கமெங் நதி, மானஸ் நதி, சங்கோஷ் நதி, டிஸ்டா நதி, திபாங் நதி, கோபிலி ஆறு, துத்னோய் ஆறு, சியாங் நதி.
2036 – ல் நாட்டின் நகர்ப்புற மக்கள்தொகை 60 கோடி:
- 2036 – ஆம் ஆண்டில் நாட்டின் நகர்ப்புற மக்கள் தொகை 60 கோடியை எட்டியிருக்கும் எனத் தெரிவிக்கப்பட்டுள்ளது.
- இந்தியாவில் அதிகரித்துவரும் நகரமயமாக்கல் வேலைவாய்ப்பை ஏற்படுத்துவதோடு மட்டுமல்லாமல் பல்வேறு சிக்கல்களையும் சவால்களையும் உருவாக்கி வருகிறது.
- உள் கட்டமைப்பில் உள்ள இடைவெளி, காற்று மாசு அதிகரிப்பு, வீடுகளுக்கான தேவை அதிகரிப்பு, வாடகை உயர்வு, தண்ணீர் பற்றாக்குறை போன்ற சவால்களை ஏற்படுத்துகிறது.
- கல்விக்காகவும் வேலைவாய்ப்புகளுக்காகவும் நகரங்களை நோக்கி மக்கள் வருகின்றனர்.
- தில்லியில் செயல்பட்டுவரும் பிரீமஸ் பார்ட்னர்ஸ் நிறுவனத்தின் ஆய்வில் இந்தத் தகவல் தெரியவந்துள்ளது.
- இந்நிறுவனத்தின் ஆய்வுப்படி, நாட்டின் ஒட்டுமொத்த உள்நாட்டு உற்பத்தியில் (ஜிடிபி) நகர்ப்புறத்தின் பங்களிப்பு 75% ஆக இருக்கும் எனவும் கணித்துள்ளது.
கிராம அளவில் பெண்களுக்கான நீதிமன்றங்கள்:
- குடும்ப வன்முறை, வரதட்சிணை கொடுமை என பெண்களுக்கு எதிரான பிரச்னைகளுக்கு பேச்சுவார்த்தை மூலம் தீா்வு காணும் பெண்களுக்கான நீதிமன்றத்தை (நாரி அதாலத்) அனைத்து மாநிலங்களிலும் விரிவுப்படுத்த மத்திய அரசு திட்டமிட்டுள்ளது.
- ‘மிஷன் சக்தி’ திட்டத்தின்கீழ்’கிராமப் பஞ்சாயத்து அளவில் இயங்கி வரும் பெண்களுக்கான நீதிமன்றங்கள் திட்டம் தற்போது அஸ்ஸாம் மற்றும் ஜம்மு காஷ்மீரில் சோதனைக் கட்டத்தில் உள்ளது.
- தேசிய ஊட்டச்சத்து திட்டத்தின்கீழ் (போஷன் அபியான்) பெண்கள் மற்றும் குழந்தைகள் ஆரோக்கியமான உணவுகள் உட்கொள்வதை வலியுறுத்தவும் அவா்களின் ஊட்டச்சத்தை உறுதிப்படுத்தவும் ஆண்டுதோறும் போஷன் பக்வாடா என்ற நிகழ்ச்சியை மத்திய அரசு நடத்துகிறது.
பிப்ரவரி 12: டார்வின் தினம்
- பரிணாம உயிரியலின் தந்தை சார்லஸ் டார்வின் 1809 – ஆம் ஆண்டு பிறந்த நாளை நினைவுகூரும் வகையில் ஒவ்வொரு ஆண்டும் பிப்ரவரி 12 – ஆம் தேதி டார்வின் தினமாகக் கொண்டாடப்படுகிறது.
பிப்ரவரி 12: தேசிய உற்பத்தித்திறன் தினம்
- இந்தியாவில் உற்பத்தித்திறன் கலாச்சாரத்தை அதிகரிப்பதற்காக ஆண்டுதோறும் பிப்ரவரி 12 அன்று இது அனுசரிக்கப்படுகிறது.
தகவல் துளிகள்:
- பிரான்ஸ் தலைநகா் பாரீஸில் முதலாவது சா்வதேச செயற்கை நுண்ணறிவு செயல் உச்சிமாநாடு நடைபெற்றது.
- ஊட்டச்சத்து மற்றும் சுகாதார மேம்பாட்டில் சிறந்து விளங்கும் 1,000 கிராம பஞ்சாயத்துகளை தோ்ந்தெடுத்து விருது வழங்கும் சுபோஷித் பஞ்சாயத்து திட்டத்தை கடந்தாண்டு டிசம்பா் 26-இல் பிரதமா் நரேந்திர மோடி தொடங்கி வைத்தார்.
- கர்நாடகா, பெங்களூருவில் முதலீட்டாளர் உச்சி மாநாடு பிப்ரவரி 12 முதல் 14 வரை நடைபெறுகிறது.
- தமிழகத்தில் சிறந்த காவல் நிலையமாக திருவாரூா் மாவட்டம், முத்துப்பேட்டை காவல் நிலையம் தோ்வு செய்யப்பட்டுள்ளது.
- உத்தரகண்டில் நடைபெறும் 38 – ஆவது தேசிய விளையாட்டுப் போட்டிகளில், ஆடவா் 400 மீட்டா் ரிலே ஓட்டத்தில் தமிழ்நாடு தங்கப் பதக்கம் கிடைத்தது.