10 – ஆவது பிரிக்ஸ் மாநாடு:
- ரஷியாவின் செயின்ட் பீட்டா்ஸ்பா்க்கில் 10-ஆவது பிரிக்ஸ் நாடாளுமன்ற மாநாடு ஜூலை 11,12 ஆகிய தினங்களில் நடைபெற்றது.
- 10 – ஆவது பிரிக்ஸ் நாடாளுமன்ற கூட்டத்தில் மக்களவைத் தலைவா் ஓம் பிர்லா, மாநிலங்களவை துணைத் தலைவா் ஹரிவன்ஷ் ஆகியோர் பங்கேற்றனர்.
- இந்த மாநாட்டில் இந்திய நாடாளுமன்றக் குழுவிற்கு தலைமை ஏற்றுச் சென்ற மக்களவைத் தலைவா் ஓம் பிர்லா, நிலையான வளா்ச்சியில் சுற்றுச்சூழல் பாதுகாப்பும் அடங்கும்’ என்று உரையாற்றினார்.
- பிரிக்ஸ் கூட்டமைப்பின் ஐந்து புதிய உறுப்பினா்கள்: எகிப்து, எத்தியோப்பியா, ஈரான், சவூதி அரேபியா மற்றும் ஐக்கிய அரபு அமீரகம்.
- பிரிக்ஸ் ஐந்து வளரும் நாடுகளின் சர்வதேச கூட்டமைப்பாகும்: பிரேசில், ரஸ்யா, இந்தியா, சீனா மற்றும் தென்னாப்பிரிக்கா ஆகியவை இதன் உறுப்பு நாடுகளாகும்.
பொதுத் துறை வங்கிகள் தனியார்மயம்: சட்டத்திருத்த மசோதா
- பொதுத் துறை வங்கிகளை தனியார்மயமாக்கும் வகையில் வங்கித் துறையில் சீா்திருத்தங்களை மேற்கொள்ளும் சட்டத்திருத்த மசோதாவை நிறைவேற்ற மத்திய அரசு முடிவெடுத்துள்ளது.
- நாடாளுமன்ற பட்ஜெட் கூட்டத் தொடா் ஜூலை 22 முதல் ஆகஸ்ட் 12 வரை நடைபெறவுள்ளது.
- ஜூலை 23-ஆம் தேதி பட்ஜெட் தாக்கல் செய்யப்பட இருக்கிறது.
- வங்கிகள் கட்டுப்பாட்டுச் சட்டம் 1949, வங்கி நிறுவனங்கள் (கையகப்படுத்துதல், நிர்வாக மாற்றம்) சட்டம் 1970 ஆகியவற்றில் திருத்தங்கள் செய்யப்பட இருக்கின்றன.
- பொதுத் துறை வங்கிகளை தனியார்மயமாக்குவதற்கு இந்தச் சட்டத்திருத்தங்கள் அவசியமாகும்.
- இதன்மூலம் தனியார்மயமாக்கப்படும் பொதுத் துறை வங்கியில் மத்திய அரசின் பங்கு 51 சதவீதமாகக் குறைக்கப்படும்.
- வங்கி நிர்வாகத்தை மேம்படுத்துவது மற்றும் முதலீட்டாளா்களின் பணத்துக்கு பாதுகாப்பு அளிப்பது ஆகியவற்றைக் கருத்தில்கொண்டு இந்தத் தனியார்மயமாக்கும் நடவடிக்கை மேற்கொள்ளப்படுகிறது.
- பொதுத் துறை காப்பீட்டு நிறுவனத்தை தனியார்மயமாக்கும் சட்டத்திருத்த மசோதா 2021-ஆம் ஆண்டிலேயே நிறைவேற்றப்பட்டுவிட்டது.
- கடந்த 2020-ஆம் ஆண்டு 10 பொதுத் துறை வங்கிகளை இணைத்து 4 வங்கிகளாக மத்திய அரசு மாற்றியது.
- இதன்மூலம் நாட்டில் உள்ள பொதுத் துறை வங்களின் எண்ணிக்கை 27-இல் இருந்து 12-ஆக குறைக்கப்பட்டது.
இந்திய மக்கள் தொகை 2060 – இல் 170 கோடியாக உச்சமடையும்: ஐ.நா அறிக்கை
- இந்தியாவின் மக்கள்தொகை 2060-களின் முற்பகுதியில் 170 கோடியாக உச்சமடைந்து, அதன்பின்னா் 12 சதவீதம் குறையும் எனக் கணிக்கப்பட்டுள்ளது.
- இந்த நூற்றாண்டு முழுவதும் உலகின் அதிக மக்கள்தொகை கொண்ட நாடாக இந்தியா திகழும் என ஐ.நா அறிக்கையில் தெரிவிக்கப்பட்டுள்ளது.
- உலகின் மிக அதிக மக்கள்தொகை கொண்ட நாடாக இந்தியா இருக்கும் எனத் தெரிவிக்கப்பட்டுள்ளது.
- தற்போது 141 கோடியாக உள்ள சீனாவின் மக்கள்தொகை, 2054-இல் 121 கோடியாகக் குறையும்.
- தற்போது உலகின் இரண்டாவது அதிக மக்கள்தொகை கொண்ட நாடு சீனா.
மகாராஷ்டிர மேலவைத் தோ்தல்:
- மகாராஷ்டிர சட்ட மேலவையின் 11 இடங்களுக்கு தோ்தல் நடைபெற்றது.
- இந்தியாவின் 28 மாநிலங்களில், 6 மாநிலங்களில் சட்ட மேலவை உள்ளது, அவை உத்திரப் பிரதேசம், பீகார், கர்நாடகா, மகாராஷ்டிரம், தெலங்காணா மற்றும் ஆந்திரப் பிரதேசம்.
- 1986 – ஆம் ஆண்டு கொண்டு வரப்பட்ட தமிழ்நாடு சட்டப் பேரவை மசோதா மூலம் தமிழ்நாடு சட்டமன்றத்தின் மேலவை ரத்து செய்யப்பட்டது.
- ஆகஸ்ட் 30, 1986 இல் இந்தியக் குடியரசுத் தலைவரின் ஒப்புதலைப் பெற்றது.
- நவம்பர் 1, 1986 இல் இந்தச் சட்டம் அமலுக்கு வந்து சட்டமன்ற மேலவை கலைக்கப்பட்டது.
நிலையான வளா்ச்சி இலக்கு குறியீடு: தமிழ்நாடு 2-ஆவது இடம்
- 2023 – 24ஆம் ஆண்டுக்கான நீதி ஆயோக்கின் நிலையான வளா்ச்சி இலக்கு குறியீட்டில் தமிழ்நாடு 2-ஆவது இடம் பிடித்துள்ளது.
- சமூக, பொருளாதார மற்றும் சுற்றுச்சூழல் அம்சங்களில் மாநிலங்கள் மற்றும் யூனியன் பிரதேசங்களின் முன்னேற்றத்தை நீதி ஆயோக்கின் நிலையான வளா்ச்சி இலக்கு குறியீடு மதிப்பிடுகிறது.
- இந்நிலையில், 2023-24 ஆம் ஆண்டுக்கான நீதி ஆயோக்கின் நிலையான வளா்ச்சி இலக்கு குறியீட்டில் இந்தியா ஒட்டுமொத்தமாக 71 புள்ளிகளைப் பெற்றுள்ளது.
- 2020 – 21 ஆம் ஆண்டுக்கான அந்தக் குறியீட்டில் இந்தியா 66 புள்ளிகளைப் பெற்ற நிலையில், தற்போது முன்னேற்றம் அடைந்துள்ளது.
- வறுமை ஒழிப்பு, கண்ணியமான வேலை, பொருளாதார வளா்ச்சி உள்ளிட்டவற்றில் ஏற்பட்ட குறிப்பிடத்தக்க முன்னேற்றத்தால், தற்போதைய குறியீட்டில் இந்தியாவின் புள்ளிகள் அதிகரித்துள்ளது.
- மாநிலங்களைப் பொருத்தவரை நிலையான வளா்ச்சி இலக்கு குறியீட்டில் கேரளம் மற்றும் உத்தரகண்ட் முதலிடம் பிடித்துள்ளன.
- தமிழ்நாடு 2-ஆவது இடத்தையும், கோவா மூன்றாவது இடத்தையும் பிடித்துள்ளன.
- இந்தக் குறியீட்டில் யூனியன் பிரதேசங்களை பொருத்தவரை சண்டீகா், ஜம்மு-காஷ்மீா், புதுச்சேரி, அந்தமான்-நிகோபார் தீவுகள், தில்லி ஆகியவை முதல் 5 இடங்களில் உள்ளன.
ஜூன் 25 – அரசியலமைப்பு படுகொலை நாள்:
- முன்னாள் பிரதமர் இந்திரா காந்தி, 1975ஆம் ஆண்டு ஜூன் 25ஆம் தேதியில் இந்தியாவில் அவசரநிலையை பிரகடனப்படுத்தினார்.
- தற்போதுள்ள பிரதமர் மோடியிலான அரசு, இனிவரும் ஆண்டுகள்தோறும் ஜூன் 25ஆம் தேதியில் `சம்விதான் ஹாத்யா திவாஸ்’ என்ற பெயரில் அரசியலமைப்பு படுகொலை நாளாக அனுசரிக்கப்படும் என்று அறிவித்துள்ளது.
தகவல் துளிகள்:
- சா்வதேச நாடாளுமன்ற சங்கத்தின் தலைவா் துலியா அக்சன் ஆவார்.
- ஐக்கிய அரபு அமீரகத்தில் உள்ள வீதிக்கு இந்திய வம்சாவளி மருத்துவா் ஜார்ஜ் மேத்யூவின் (கேரளா) பெயா் சூட்டப்பட்டுள்ளது, அந்நாட்டின் மருத்துவத் துறைக்கு அவா் அளித்த பங்களிப்புக்கு மரியாதை செலுத்தும் வகையில் பெயா் சூட்டப்பட்டுள்ளது.
- தில்லியில் ‘பிம்ஸ்டெக்’ உறுப்பு நாடுகளின் வெளியுறவு அமைச்சா்கள் மாநாடு நடைபெற்றது.
- பிம்ஸ்டெக் உறுப்பு நாடுகள் – வங்காள விரிகுடாவையொட்டிய இந்தியா, இலங்கை, வங்கதேசம், மியான்மா், தாய்லாந்து, நேபாளம், பூடான் ஆகிய ஏழு தெற்கு மற்றும் தென்கிழக்கு ஆசிய நாடுகளை கொண்டது.
- மணலி சாலையில் உள்ள சாத்தாங்காடு ஏரியை பறவைகள் சரணாலயாக மாற்ற தீா்மானம் நிறைவேற்றப்பட்டது.
- தமிழ்நாடு மின் உற்பத்தி மற்றும் பகிர்மானக்கழகம் (டான்ஜெட்கோ) இரண்டாக பிரிக்க மத்திய அரசு ஒப்புதல் அளித்துள்ளது, அதன்படி ‘டான்ஜெட்கோ’- ‘தமிழ்நாடு மின் உற்பத்தி கழகம்’ என்று ஒரு பிரிவாகவும், ‘தமிழ்நாடு பசுமை எரிசக்தி கழகம்’ என்று இன்னொரு பிரிவாகவும் செயல்பட உள்ளது.
- நேபாள கம்யூனிஸ்ட் கட்சி-ஐக்கிய மார்க்சிஸ்ட் லெனினிஸ்ட் கட்சித் தலைவா் கே.பி.சா்மா ஓலி புதிய பிரதமராகிறார்.
- உலகின் மிகப்பெரிய விளையாட்டுத் திருவிழாவான ஒலிம்பிக் போட்டி, இந்த மாத இறுதியில் பிரான்ஸ் நாட்டின் தலைநகரமான பாரிஸில் தொடங்க இருக்கிறது.